ကျနော်ကျက်စားရာဆိုလို့ နေရာတခုခုဖြစ်မယ်လို့ ကျနော့စာကို ရှားရှားပါးပါး ဖတ်ဖြစ်သူများက ထင်ချင်ထင်ကြပါလိမ့်မယ်။ တကယ်ကတော့ ကျနော်ကျက်စားရာဟာ နေရာတခုမဟုတ်ပဲ အဘိဓာန် (dictionary) စာအုပ်များအကြားပဲဖြစ်ပါတယ်။ ကျနော်ဟာ အင်္ဂလိပ်စာဆောင်းပါးတခုကိုပဲဖြစ်ဖြစ် နော်ဝေစာတပုဒ်ကိုပဲဖြစ်ဖြစ်ဖတ်နေစဉ်မှာ ကိုယ်မသိတဲ့ စာလုံးတလုံးပါလာရင် အဲဒီ ဆိုင်ရာဒစ်ရှင်နရီတအုပ်အုပ်ကို လှန်လှောကြည့်ရှုရတယ့်အပေါ်မှာ အတော့်ကိုခုံမင်တတ်ပါတယ်။ အဲဒီစာလုံးတလုံးဆီကို မရောက်မချင်းလှန်နေရတဲ့အချိန်မှာ တခါတလေမှာ စိတ်မရှည်တာတွေရှိတတ်ပေမဲ့ အများအားဖြင့်တော့ အဲဒီလိုစာရွက်လေးတွေကို တဖြည်းဖြည်းချင်း မရောက်ခင်မှာဆို တရွက်ချင်းလှန်ရှာနေရတဲ့ အခိုက်အတန့်လေးမှာ ကျနော်ဟာ ကိုယ့်ဘာသာကိုယ် ပညာရှိတယောက်လိုလို ပညာရှိတယောက်လုပ်နေရတဲ့ အလုပ်ကို လုပ်နေရသလိုမျိုးခံစားမိတတ်ပါတယ်။ ကျနော်ဟာ ဒစ်ရှင်နရီတွေကို စွဲနေသူတယောက်ဖြစ်နေတယ်လို့ ကိုယ့်ဘာသာကိုယ်ပြန်သုံးသပ်မယ်ဆိုလည်းမှားမယ်မထင်ပါ။ ဒါပေမဲ့ ဒီစွဲလန်းမှုက ကောင်းတဲ့ စွဲလန်းမှုဖြစ်တော့ ဆက်ထိန်းသိမ်းထားနိုင်ဖို့ပဲ ကြိုးစားရမှာပါပဲ။ ပြီးတော့ ဟောင်းနွမ်းသွားတဲ့ ဒစ်ရှင်နရီလေးကို မလွှင့်ပစ်မိပဲ တိတ်တွေနဲ့ကပ် ကော်တွေနဲ့ ကပ်ကာ ကျနော့်ရဲ့ ကိုယ်ပိုင်ပြတိုက်မှာ ထိန်းသိမ်းထားပါတယ်။ ကျနော် နယ်စပ်မှာနေတုန်းက အဝေးသင်နဲ့ သြစတြေးလျတောင်ပိုင်းယူနီဗာစတီကထောက်ပံ့ပေးပြီး အမျိုးသားကျန်းမာရေးနှင့်ပညာရေးကော်မတီကညှိနှိုင်းစီမံခန့်ခွဲမှုလုပ်ပေးခဲ့တဲ့ လူမှုအဖွဲ့အစည်းစီမံခန့်ခွဲမှု (Community Management Certificate 3)သင်ယူခဲ့စဉ်က အခမဲ့ရရှိခဲ့တဲ့ Wordpower Oxford dictionary စာအုပ်လေးကို ယနေ့တိုင် ကျနော့ရဲ့ ကိုယ်ပိုင်ပြတိုက်မှာ တယုတယ ကော်တွေနဲ့ကပ် တိတ်တွေနဲ့ကပ် စတက်ပလာတွေနဲ့ညှပ်လို့ထိန်းသိမ်းထားပါတယ်။ ကျနော်ဒစ်ရှင်နရီစာအုပ်သုံးလေးငါးအုပ်ကြားမှာ လည်ပတ်ကျက်စားနေရာတာ လောကကြီးဘာဖြစ်နေတယ်ဆိုတာကို မေ့နေတတ်ပါတယ်။ ဘာသာပြန်လုပ်နေတဲ့ ဖိုးသကြားကပြောဖူးတယ်။ အစ်ကိုရေ နော်ဝေမှာ တခုခုနဲ့ အလုပ်များနေမှ ဒါမှမဟုတ်ရင်တော့ အထီးကျန်ဖြစ်ကာ ရူးသွားနိုင်တယ်လို့ ကျနော်တို့အရင် နော်ဝေရောက်ပြီးသားလူတွေက အဲလိုပြောကြပါတယ်။ဒါကတော့တပိုင်းပေါ့လေ။
ကျနော်ဒစ်ရှင်နရီစာအုပ်တွေအကြား လမ်းသလမ်းနေရတာပျော်ပုံလေးတခုကို တင်ပြချင်ပါသေးတယ်။ ဥပမာ တနေ့ ကျနော်တို့နော်ဝေစကားသွားသင်ရတဲ့ Ravnanger ရာဖ်နာဂါအထက်တန်းကျောင်းက ဆယ်တန်းကျောင်းသားကောင်မလေး ၂ယောက်က ဗုဒ္ဓဘာသာစာတန်းရေးသားတော့ ကျနော်တို့ကို အင်တာဗျူးလာလုပ်တော့ ကျနော့်မှာ ဗုဒ္ဓဘာသာတွေဟာ ၀ါတွင်းသုံးလကာလမှာ ဥပုသ်စောင့်တယ်ဆိုတဲ့ ဝေါဟာရကိုပြောဖို့ အင်္ဂလိပ်လိုကအစမေ့နေတော့ အဲဒါကို ကျနော်အိမ်ပြန်ရောက်တော့ မြန်မာ-အင်္ဂလိပ် အဘိဓာန်ကနေ ဥပုသ် ဆိုတော့ ဝေါဟာရကို ပြန်ရှာရပါတယ်။ အစစာလုံးဖြစ်တဲ့ ဥ က ဗျည်း ၃၃ လုံးထဲမှာမပါတော့ သူဘယ်နေရာမှာစရှိမလဲဆိုတာကို တခါအခက်အခဲဖြစ်စေပါတယ်။ အ မှာရှိမယ်လို့တော့ သိပေမဲ့ ကျနော် တော်တော်ပြန်ရှာယူလိုက်ရပါတယ်။ အ နဲ့စတဲ့အပိုင်းမှာလှန်ရင်းလှန်ရင်းနဲ့မှ အဲဒီစာအုပ်ရဲ့ စာမျက်နှာ ၆၀၈ မှာမှ အီကြာကွေး နဲ့ တတန်းတည်းခေါင်းစဉ်မှာ ဥပမာ ဆိုတာကို စတွေ့မှပဲ ဆက်လှန်ရင်း နောက်စာမျက်နှာ ၆၀၉ က ဒုတိယကော်လံရဲ့ စတုတ္ထလုံးမြောက်မှာမှ ကိုယ်တောချောကို သွားတွေ့ပါတော့တယ်။ ကျနော်ရှာခဲ့ရတဲ့ စာလုံးတွေအထဲမှာ တော့်တော့်ကိုခဲခဲယဉ်းယဉ်းရှာခဲ့ရတဲ့ စာလုံးတလုံးလို့ ပြောမယ်ဆိုရင်မှားမယ်မထင်ပါ။ ပြီးတော့ ဥပုသ်ဆိုတဲ့ အင်္ဂလိပ်အဓိပ္ပါယ်ဟာ sabbath ဖြစ်တယ်ဆိုတာရယ် တခါ နော်ဝေစလုံးကို ထပ်သိချင်တော့ အင်္ဂလိပ်-နော်ဝေကို ကြည့်လိုက်တော့ သုံးနေကျအဘိဓာန်မှာမတွေ့ဘဲ အကျယ်အပြန့်ရေးတဲ့ အဘိဓာန်အထူကြီးကို လှန်လှောကြည့်ရှုလိုက်တော့မှ အင်္ဂလိပ် sabbath ဟာ နောက်ဆုံးမှာ h တလုံးပဲလျော့သွားပြီး sabbat ဖြစ်နေတာကိုတွေ့ရပါတော့တယ်ခင်ဗျား။ ပညာဆိုတာအလကားမရ ကျနော်တို့ပြောနေကျစကားနဲ့ ပြောရင် ဒွန်းနွန်းခံလုပ်နိုင်မှ တော်ကာကျတယ်ဆိုတာ တဖြည်းဖြည်းနဲ့တော့ ပိုလို့ပိုလို့ သဘောပေါက်လာနေမိပါတော့တယ်။ ခေါက်ထားမည့်စာကိုဒီနေရာမှာရေးပါ
No comments:
Post a Comment