ထူးမလားလို့မထူးဇာတ်ခင်း

စစ်အုပ်စုက တခုခုလုပ်လိုက်တိုင်း ကျနော်တို့ဒီမိုကရေစီအင်အားစုဘက်မှာ အမြဲတန်း ၂ ခြမ်းဖြစ်ဖြစ်သွားသည်။ သူလုပ်တာကို ကန့်ကွက်သည့်အဖွဲ့ရယ် နဲ့ မထောက်ခံသော်လည်းအခြေအနေအရလိုက်လုပ်ဖို့လိုသည်ဟု ဆိုကာ စစ်အုပ်စု လမ်းကြောင်းနောက်ကိုမချစ်သော်လည်းအောက်ကာနမ်းကာ လိုက်လုပ်သည်အုပ်စုဟူ၍ ၂ဖွဲ့ဖြစ်ဖြစ်သွားပါသည်။ ထောက်ခံပြီးလိုက်လုပ်သည့်အုပ်စုကိုတော့ ကျနော်တို့အင်အားစုထဲကဟု ကျနော်ကတော့မစဉ်းစား။ အမှန်အတိုင်းပြောရလျှင် ကျနော်ကိုယ်တိုင်လည်း ရွေးကောက်ပွဲကို ပြင်းပြင်းထန်ထန်ဆန့်ကျင်သည့် ရပ်တည်ချက်မျိုးထားရမလား သို့တည်းမဟုတ် မထောက်ခံသော်လည်း အခြေအနေအရ လိုက်လုပ်ရမည့်အဖွဲ့ကိုပဲ ထောက်ခံပေးသည့်လမ်းကြောင်းအရရပ်တည်ရမလား ဆိုသည်ကို အမြဲတန်း ရှုပ်ရှုပ်ထွေးထွေးဖြစ်နေတတ်ပါသည်။ ယင်းမှာလည်း စစ်အုပ်စုကိုထောက်ခံ၍တော့မဟုတ် အလွန်အင်မတန်မှ ကြာညောင်းလာနေသော ကျနော်တို့ဒီမိုကရေစီတော်လှန်ရေးခရီးအား ပြန်ပြောင်းသုံးသပ်ကြည့်ရင်း ပေါ်လာသောအတွေးသာဖြစ်ပါသည်။ ဖောက်ပြန်သောအတွေးအခေါ်လည်းမဟုတ်။ ပြန်လည်ပြင်ဆင်ရေးအတွေးအခေါ်လည်းမဟုတ်။ သို့သော် အခုလိုမျိုးနေလျှင်လည်း စစ်တပ်မှ ထာဝစဉ်အုပ်ချုပ်နေမည်သာဖြစ်သည်။ စစ်တပ်မှထာဝစဉ်နိုင်ငံရေးတွင် လွှမ်းမိုးထားမည်ဆိုသော ဖွဲ့စည်းပုံအေခြေံဥပဒေကို လက်ခံရမည်စိုး၍ ဒီ၂၀၀၈ ဖွဲ့စည်းပုံအရ ဖြစ်ပေါ်လာသော ၂၀၁၀ ရွေးကောက်ပွဲကို မ၀င်ဘဲနေခြင်းအားဖြင့်လည်း စစ်တပ်မှထာဝစဉ်အုပ်ချုပ်ထားမှုကို အပြီးသတ်ငြင်းပယ်ကျနော်တို့ပယ်ချနိုင်ပါသလား။ သူတို့က ၂၀၀၈ မရေးထားလဲ တသက်လုံးအုပ်ချုပ်လာခဲ့ပါသည်။ ကျနော်တို့ပြည်သူတရပ်လုံး၂၀၀၈ ကိုပယ်ချနိုင်ခဲ့သည်ဆိုတာတောင်မှ သူက ယခုအထိ လည်းအုပ်ချုပ်လာခဲ့မည်သာ။ ကျနော်ပြောချင်တာက စစ်တပ်မှ ၂၅ ရာခိုင်နှုန်းကိုယူထားခြင်း စစ်တပ်မှ အရေးပေါ်လာပါက အာဏာသိမ်းပိုင်ခွင့်ရှိခြင်း စသည်တို့ကိုရေးသေားထားသော ၂၀၀၈ ကိုလက်မခံဘူးထားဦး ၂၀၀၈ မရှိဦး ၄င်းတို့ အာဏာယူထားမည်သာ။ ကဲ ၂၀၀၈ မရှိလည်း စစ်တပ်မှထာဝစဉ်အာဏာယူထားရင်ကော ကျနော်တို့ နိုင်ငံတကာမှာ အော်ရုံ တတ်နိုင်သမျှအစွမ်းကုန်ဆန့်ကျင်ကြ စသဖြင့်နဲ့ပဲ ကျနော်တို့ခရီးဆက်နေဦးမည်သာ။ ကျနော်ပြောချင်တာက ၂၀၀၈ ကို အိုင်ဒီယာအရလက်ခံဖို့ပြောနေတာမဟုတ် ဒါပေမဲ့ ကျနော်တို့ပြည်သူတွေစစ်အုပ်ချုပ်မှုအောက်မှာနေလာတာ သန်ခေါင်ထက်ညဥ့်မနက်တော့ဘူးဆိုတာပါပဲ။ ဒါကြောင့် ထူးလာမလားဆိုပြီး နဲနဲရနဲနဲယူနိုင်မဲ့ အခွင့်အရေးမျိုးကို ကျနော်တို့ပြည်သူတွေစမ်းသပ်ကြည့်သင့်တယ်ဆိုတာလည်းမမှားပါဘူး။ အဲသလိုဝင်လိုက်လို့ စစ်အုပ်ချုပ်ရေးစနစ်တွေပဲဆက်ရှိသွားလည်းဘာမှမတတ်နိုင်ပါဘူး။ ဘာဖြစ်လို့လဲဆိုတော့ မ၀င်လည်း ဆက်ရှိနေနိုင်လို့ပါဘဲ။ ဘယ်နိုင်ငံရေးပရောဟိတ်ဆရာကြီးတယောက်ယောက်ကဖြစ်စေ တဖွဲ့ဖွဲ့ကဖြစ်စေ မြန်မာနိုင်ငံစစ်အုပ်ချုပ်ရေးစနစ်အောက်ကလွတ်မြောက်နိုင်တဲ့လမ်းကြောင်းဟာ ဘာဖြစ်တယ်ဆိုတာကိုမပြောနိုင်ပါဘူး။ အဖြေရှိပါတယ် တွေ့ဆုံဆွေးနွေးရေး ဆိုတာ စစ်အုပ်စုကမှမလုပ်ဘဲ ကြိုက်သလောက်ဖိအားပေးလေ ကိုယ်ရွှေနအဖစစ်အုပ်စုကတော့ နေသာသပါ့ လေညာကပါပဲ။ ဒါကြောင့် ကျန်တဲ့ ၇၅ ထဲ ၀င်တိုးပြီး လုံးလုံးလုံးလုံး နဲ့ ရသလောက်နဲ့လှိမ့်ကြည့်တဲ့ လမ်းကြောင်းဟာလည်း လုံးဝကြီးမှားတယ်လို့မဆိုနိုင်ကြောင်း။ ထူးမလားလို့ မထူးဇာတ်ခင်းကြည့်ကြတာ မမှားဘူးလို့ထင်မိကြောင်း တွေးမိပါတယ်ဗျာ။ ခေါက်ထားမည့်စာကိုဒီနေရာမှာရေးပါ