ဒီတပတ် ဒ၀ယ်စဂါး (၆) မှာတော့ အကောင်ငယ်လေးတွေကို ဒ၀ယ် တွေက ထူးထူးခြားခေါ်ပုံလေးတွေကို တင်ပြပ့ါမယ်။
ဒ၀ယ်တွေက ပုရွက်ဆိတ် ကို ပိုးဒတ်ဟား ဒါမှမဟုတ် ပိုး လို့ပဲခေါ်ကြပါတယ်။ ကျနော်ရန်ကုန်ရောက်ပီး ကျောင်းတက်စက ပုရွက်ဆိတ်ကို ပိုးလို့ခေါ်တာဟာ ဂန်စကား ပြောတဲ့ ဗမာတွေလည်း အဲဒီလိုပဲခေါ်တယ်လို့ထင်ခဲ့ပါတယ်။ ကျနော်က ပုရွက်ဆိတ်အခန်းထဲမှာ ရှိနေရင် ပိုး လို့ပဲ ဒ၀ယ်လိုတိုက်ရိုက်ပြောတော့ ဘာပိုးလဲလို့ အခန်းဖေါ်နဲ့ အခန်းနီးနားချင်းသူငယ်ချင်းတွေက မေးကြပါတယ်။ နောက်တော့မှ ကျနော်ပြန်သတိရပီး ပုရွက်ဆိတ်ကို ငါရည်ညွှန်းပြောတာလေလို့ ပြန်ပြောရပါတယ်။
နောက်အကောင်ငယ်တမျိုးက ကင်းလိပ်ချော ပါ။ ကင်းလိပ်ချော ကို ဒ၀ယ်တွေက ဟန်းခလာ လို့ပဲခေါ်ကြပါတယ်။ ဟန်းခလာ ဟာ ကျနော်တို့ဖက်မှာ တော်တော်ပဲပေါတာတွေ့ရမှာပါ။ သူတို့ကို ကျနော်တို့ စားလို့မရပေမဲ့ သဘာဝပတ်ဝန်းကျင် ကို ဟန်ချက်ညီစွာ ထိန်းညှိထားဖို့ အဲဒီအကောင်ငယ်လေးတွေလိုအပ်ပါတယ်။ ဟန်းခလာ တွေဟာ လူကို အန္တရာယ်ပေးတာမတွေ့ရပါဘူး။
နောက်အကောင်ငယ်တမျိုးကတော့ ဒ၀ယ်လို အီးချော့ဟား လို့ခေါ်တဲ့ အိမ်မြှောင်ပါ။ အီးချော့ဟား ကို သတ်တာတို့ နာကျင်အောင် လုပ်တာတို့ ဟာ အိမ်အတွက် မကောင်းဘူးလို့ လူကြီးတွေက ပြောကြပါတယ်။ အီးချော့ဟား ဘယ်မှာ မြည်သံလုပ်တယ် ဆိုတာကို ကြည့်ပီးတော့ တချို့လူတွေက အတိတ်နိမိတ်ယူတတ်ကြပါတယ်။ သူတို့ဟာလည်းပဲ သဘာဝပတ်ဝန်းကျင်ကို ဟန်ချက်ညီစွာထိန်းသိမ်းပေးမှုမှာ သူ့နေရာနဲ့သူ အရေးပါစွာပါဝင်တဲ့ တိရိစ္ဆာန်လေးတွေပဲ ဖြစ်ကြပါတယ်။ အင်္ဂလိပ်တွေကတော့ ကင်းလိပ်ချော (ဟန်းခလာ) နဲ့ အိမ်မြှောင် (အီးချော့ဟား) ကို အုပ်စုအမျုိးအစားတခုတည်းထဲမှာထည့်ထားလို့လားမသိဘူး အီးချော့ဟား ကို lizard လို့ခေါ်ပြီး ဟန်းခလာ ကိုတော့ grass
ူlizard လို့ခေါ်ပါတယ်။ ပုတ်သင်ညိုကိုလည်း ဒ၀ယ်တွေက ဖွတ်တံခ္လေးချော့ လို့ခေါ်ပါတယ်။ ဖွတ်ကလေး ဆို တဲ့ အဓိပ္ပါယ်ရပါတယ်။ ပုတ်သင်ညိုကို ဒ၀ယ် အသံဝဲပြီးပြောတဲ့ ဒိုင်ယာလက် ခေါ် ဘာသာစကားကွဲ နဲ့မတူဘဲ သူ့နည်းသူ့ဟန်နဲ့ ကိုယ်ပိုင်ဘာသာစကားအသွင်နဲ့ ပြောဆိုတဲ့ပုံစံမျိုးဖြစ်ပါတယ်။ အဲဒီ အကောင်ငယ်လေးတွေကို ဒ၀ယ်လို ခေါ်ပုံတွေက ရည်ညွှန်းနေတာက။
နောက်တခုက လင်းနို့ ကို ကွမ့်လန်းလွတ် လို့ခေါ်ပါတယ်။ လန်းက ဒ၀ယ်လို လင်း ဆိုတဲ့ အဓိပ္ပါယ် ကို ရည်ညွှန်းပေမဲ့ တခုလုံး ရဲ့ အဓိပ္ပါယ်က လင်းနို့်မှာ မျက်စိ မရှိတာကို ကွမ့်လန်းလွတ်(ကွက်လပ်လွတ်) နေတယ် ဆိုတဲ့ သဘောနဲ့ ဒ၀ယ်တွေက ရည်ညွှန်းပြောဆိုခဲ့ပုံရပါတယ်။
စာကလေး တွေကို တော့ ဒ၀ယ်တွေက အီးဇာဟား လို့ခေါ်ပါတယ်။
တချို့လူတွေကိုလည်း ကော်ဟားငယ်ဟား ဆိုပီး လူကြီးဖြစ်တဲ့အထိခေါ်တာကျနော်တွေ့ဖူးပါတယ်။ အဲဒီလိုအခေါ်ခံရတဲ့ ရွာသူကြီးတယောက်ကို တောင်ကျနော်တွေ့ခဲ့ဖူးတယ်။ ကော်ဟားငယ် ဆိုတာ လူငယ်လေးတွေကို ရည်ညွှန်းတဲ့ အများဆိုင်နာမ်အဖြစ် ဒ၀ယ်တွေက သုံးစွဲသလို တဦးတယောက်ကို ခေါ်ဝေါ်တဲ့ ပုဂ္ဂလ နာမ်အဖြစ်လည်း အခုနက ကျနော်တင်ပြခဲ့သလို ကော်ဟားငယ်ဟား လို့ တဦးတယောက်ကို သတ်သတ်မှတ်မှတ်ခေါ်တာလည်းရှိပါတယ်။ အဲဒီသဘောကို သားဂန်းဟား ဆိုပီး အခေါ်ခံရတဲ့ လူငယ်လေးတွေကိစ္စမှာလည်း တွေ့ရမှာဖြစ်ပါတယ်။
ကျနော်တို့ရဲ့ဒ၀ယ်စဂါးဟာ ဗမာစကားကနေ ခွဲထွက်တဲ့ ဒိုင်ယာလက်ခေါ်တဲ့ ဘာသာစကားကွဲထက်လည်း ပိုမိုပီး တသီးတခြား ကိုယ်ပိုင်အဓိပ္ပါယ်ဖွင့်ဆိုမှုတွေရှိတဲ့ စကားလုံးတွေအများကြီးရှိတဲ့ ဘာသာစဂါး တခုဖြစ်ပါတယ်။ တချို့စကားလုံးတွေကတော့ ဗမာစကားကနေ လ သံဆွဲကာ ကွဲထွက်လာတဲ့ ဒိုင်ယာလက်ဆန်တဲ့ စကားလုံးတွေလည်းရှိပါတယ်။ တချို့စကားလုံးတွေဟာလည်း ဗမာစကားနဲ့ လုံးဝ တထပ်တည်းတူတဲ့ စကားလုံးတွေလည်းရှိပါတယ်။ အဲဒီသုံးမျိုးစလုံး ရောနှောတည်ရှိနေတဲ့ ဘာသာစကားတခုဖြစ်ပါတယ်။ အချိန်ယူလေ့လာရန် တန်ဖိုးရှိပါတယ်လို့ ယုံကြည်မိပါတယ်။ နော့တပတ်ပ္လန်ဆောင်ဂေ့မှာပေါ့။
ခေါက်ထားမည့်စာကိုဒီနေရာမှာရေးပါ
No comments:
Post a Comment